Dështimi për të krijuar Superligën europiane ka ulur shumë figurën e Andrea Agnelli-t, presidentit të Juventusit, për të cilin flitet se tani do largohet edhe nga bardhezinjtë. Thashetheme të tilla qarkulluan edhe mbrëmë pavarësisht se Juventusi i mohoi, por duket se ka diçka përtej kësaj. Madje në skenë kanë filluar të dalë edhe zëvendësuesi i tij.
Sipas “Corriere della Sera”, zëvendësuesi i Anjelit mund të jetë një kushëri i tij i quajtur Alesandro Nasi. Sipas të përditshmes italiane, Nasi u rrit me urrejtje sepse ishte gjatë gjithë kohës nën hijen e kushëririt të tij Anjeli dhe tani mund të jetë pikërisht momenti i suksesit të tij.
46 vjeçari është një biznesmen i suksesshëm teksa pjesën më të madhe të jetës e ka kaluar në Shtet e Bashkuara, dhe ka marrë mësime në “Ëall Street”. Nuk dihet se çfarë do të ndodhë në ditën në vazhdim, por krisjet e para Brenda familjes kanë filluar.
Ndërkohë Nasi është partner në biznes dhe me ish-gruan e portierit të Juventusit, Xhianluigji Bufon, Alena Seredova me të cilën portieri ka dhe dy fëmijë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
