Bajrami: Dhamë shpirtin në fushë, i lumtur për barazimin ndaj Çekisë

Nedim Bajrami shënoi golin e vetëm për Shqipërinë, në barazimin 1-1 ndaj Çekisë.

Pas ndeshjes, mesfushori u shfaq i lumtur për golin e shënuar, ndërsa shtoi se skuadra dha shpirtin në fushën e lojës.

E kemi ditur që do të ishte një ndeshje e vështirë pasi ekipi ishte fizikisht i fortë, por ne dhamë shpirtin në fushë. Dhamë dhe golin 1-1 dhe jam shumë i lumtur që i ndihmova skuadrës, por të gjithë kemi luajtur shumë mirë dhe tani e kemi direkt ndeshjen tjetër.

E dinim që do të ishin shumë agresivë dhe e shfrytëzuam momentin duke shënuar, por e dimë që na pret një rrugë e gjatë.