Nuk prodhoi fitues supersfida e Kategorisë së Dytë në grupin B, mes Luftëtarit dhe Pogradecit, e cila u mbyll në barazim 1-1.
Megjithatë ky barazim është si fitore për skuadrën liqenore, pasi ruan vendin e parë, me një pikë më shumë dhe në ndeshjen e fundit, do të kërkojë ngjitjen matematikisht në Kategorinë e Parë.
Jurgen Peqini, kaloi në avantazh Pogradecin në minutën e 50-të, ndërsa Mirani barazoi shifrat në minutën e 68-të.
Në rast se Pogradeci, fiton ndeshjen e fundit në shtëpi me Turbinën, siguron ngjitjen një kategori më sipër, ndërsa te Luftëtari, shpresojnë te mrekullia për javën e fundit, në të kundërt, do të kërkojnë ngjitjen nga play off.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
