Prokurorët që po hetojnë vdekjen e Diego Maradonës në Argjentinë kërkuan që stafi mjekësor që kujdesej për të, të gjykohet për vrasje.
Kërkesa u bë nga prokurorët, të cilët thanë se “lëshimet” dhe mos trajtimi i duhur i tetë profesionistëve shëndetësorë përgjegjës për kampionin e futbollit, e vendosën atë në një “situatë pafuqie”, duke e braktisur “në fatin e tij” gjatë shtrimit në spital, sipas një dokumenti gjyqësor të cituar nga agjencia zyrtare e lajmeve Telam.
Maradona vdiq në moshën 60-vjeçare nga një krizë kardiorespiratore më 25 nëntor të vitit 2020, në shtratin e tij mjekësor në një rezidencë në veri të kryeqytetit argjentinas, ndërsa po rikuperohej pas një ndërhyrje neurokirurgjie.
Neurokirurgu dhe mjeku i familjes Leopoldo Luque dhe psikiatri Agustina Cosachov janë duke u hetuar për vdekjen e Maradonës, pasi cilësohen si përgjegjësit kryesorë për shëndetin e ish-futbollistit.
Të akuzuar janë edhe psikologu Carlos Diaz, koordinatorja mjekësore Nancy Forlini dhe koordinatori i infermierisë Mariano Perroni, infermierët Ricardo Almiron, Dahiana Madrid dhe mjeku klinik Pedro Pablo Di Spagna.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
