Federata spanjolle ka vendosur të shtyjë dy ndeshje të La Liga-s, të vlefshme për javën e nëntë në këtë kampionat. Sfidat Granada-Atletico Madrid dhe Real Madrid-Athletic Bilbao, ishin planifikuar për të dielën në orën 18:30, por nuk do të luhen.
Është vendosur që këto dy ndeshje të shtyhen për një datë tjetër, e cila ende nuk është bërë e ditur. Shkak për këtë janë bërë ndeshjet që do të luhen në Amerikën e Jugut, të vlefshme për kualifikueset e Botërorit.
Skuadrat e sipërpërmendura kanë shumë futbollistë të angazhuar me kombëtaret në Amerikën e Jugut dhe për këtë arsye u vendos që ndeshjet të shtyhen. Kujtojmë që pak javë më parë edhe dueli mes Sevillës dhe Barcelonës u shty për të njëjtën arsye.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
