Barcelona mbetet e qartë drejt pistës për gjetjen e një portieri që do ti plotësojë kërkesat e të qënit pjesë e saj . Sipas Sport katalanasit janë ndalur tek Marc Vidal që mbron ngjyrat e Villarealit . 21 vjeçari cilësohet si një ndër perlat e të ardhmes në Primera Division sepse i ka hedhur hapat drejt suksesit dhe është në pritje të shansit qe do ti japë Unay Emery për vendin e titullarit tek ‘’ Nëndetësja e Verdhë ‘’. Spanjolli ka kaluar një proçes brilant në ekipet zinxhirë të Spanjës në kategorinë e sub 16, 17 , 18 dhe 19 vjeçarëve dhe tani i ka ngelur të përshkruajë rrugën pozitive me gjysëmfinalistin e Europa Leagues . Talentë të tillë në shumicën e rasteve pretendohen nga shumë skuadra dhe rasti i Marc Vidal nuk mund të përjashtohet sepse pas derës po fërkon duart edhe Real Madridi , Sevilla , Levante dhe Mallorca . Kontrata e gardianit është e vlefshme deri në qershor por duhen pare zhvillimet e mëtejshme . Ky opsion vijon të vlerësohet maksimalisht nga ‘’ Blaugranët ‘’ sidomos pas faktit se portieri i dytë Neto Murara mund të përshëndetet me ‘’ Camp Noun ‘’ shumë shpejt . Katalanasit kanë filluar lëvizjen e gurëve për ti gjetur një skuadër që do të jetë e gatshme të derdhë në arkën e tyre 10 milionë euro , e vlerësuar nga Transfermarkt. Edhe pse kontrata e tij mbetet në fuqi deri në 2023-shin prapa derës janë në pritje edhe Arsenali me Juventusin që e shikojnë si shans të vyer transferimin e Marc Vidal për ti dhënë freski kuadratit të bardhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
