Chelsea vijon i paluhatur rrugën drejt perfeksionimit të disa detajeve që do ti shërbejnë sezonit të ardhshëm . Thomas Tuchel vijon të shpresojë në firmosjen me lojtarë të kalibrit si Pjanic , Erling Haaland dhe Sergio Ramos por gjithashtu e ka kthyer kokën mbrapa me objektivin e spastrimeve . Në horizont kanë dalë emrat e Victor Moses dhe Billy Glimour të cilët nuk llogariten nga traineri gjerman dhe ‘’ Blutë e Londrës ‘’ i kanë treguar daljen nga ‘’ Stamford Bridge ‘’.
Sulmuesi nigerian do ti japë lamtumirën kryeqytetasve pas 9 vitesh gjatë të cilave është huazuar në ekipe si Fenerbahche , Stoke City , West Ham dhe Inter . 30 vjeçari do të largohet me kokën lart nga Chelsea sepse ka kontribuar mjaftueshëm në 128 ndeshje të cilat përmblidhen me fitimin e një Fa Cup , Europa League dhe Premier Leagues . Tashmë Victor Moses do të udhëtojë drejt Rusisë për tu bërë pjesë e Spartak Moskës. Fakti se ishte i huazuar në pjesën e dytë të sezonit te kaluar parashikohet se do t’ia lehtësojë eksperiencën sepse e njeh me detaje se si funksionojnë kryeqytetasit me të cilët do të luajë në Uefa Champions Leagues .
Së dyti është Billy Glimour . 20 vjeçari do të huazohet tek Norwich City për të marrë eksperiencën e duhur me shpresën se në një të ardhme të afërt do të vihet nën urdhërat e Thomas Tuchel . Me rikthimin në Premier League ‘’ Kanarinat ‘’ besojnë se transferimi i skocezit në ‘’ Carrow Road ‘’ do të rezultojë një hap pozitiv për përballimin e sezonit .
Fakti i aktivizimit tek Chelsea i ka shkaktuar shumë entuziazëm sidomos pas fitimit të Champions Leagues dhe numëron 14 ndeshje të luajtura . Kjo pistë cilësohet tepër motivuese për një lojtar që duhet të bëjë shumë për tu rikthyer edhe më i fortë në të ardhmen , në një skuadër që mbetet një kockë e fortë në çdo kompeticion pjesmarrës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
