Tahiri: Katër ekipet që do luajnë në Europë kanë mundësinë të marrin lojtarët më të mirë

Ish-futbollisti, Ermal Tahiri, në emisionin “Skaner” në MCN TV, foli për lëvizjet e trajnerëve te skuadrat shqiptare. Sipas Tahirit, ekipet e para, që do të luajnë në Europë, kanë mundësinë të marrin lojtarët më të mirë në Shqipëri. "Mesa kam parë unë, Dinamo e ka konfirmuar trajnerin Dritan Mehmeti. Nuk e di nëse po lobohet për trajner tjetër. Ekipet që do të luajnë në Europë, i kanë konfirmuar trajnerët dhe kjo është gjëja më e mirë. Ekipet e tjera, duhet të zgjedhin trajnerët, për të ndërtuar skuadrën për sezonin e ri. Shpresoj që Dinamo ta konfirmojë zyrtarisht trajnerin dhe të ecin përpara për përgatitjet e sezonit të ri. Kryesorja është që ekipet e para që kanë konfirmuar trajnerët, e kanë më të favorshme për të marrë lojtarët brenda Shqipërisë. Katër ekipet e para i kanë mundësitë për të marrë lojtarët më të mirë. Partizani, Tirana dhe Egnatia, nëse shikon merkaton, janë më të shumta afrimet sesa largimet.", deklaroi Tahiri.