Inter Miami interes për Luis Suarez

  E ardhmja e Luis Suarezit mund të ketë shumë shpejt një tjetër destinacion .

Për golashënuesin uruguajan tashmë garon Inter Miami që liderohet nga legjenda angleze David Beckham.

 Para disa kohësh amerikanët i ofruan ‘’ El Pistoleros ‘’ një kontratë dyvjeçare, të cilën e refuzoi por kanë vendosur të insistojnë sepse qendërsulmuesi e ka treguar ndër vite se është një ndër më të mirët në pozicionin e tij.

Amerika ka rezultuar një destinacion për shumë yje që lanë gjurmë në të kaluarën në Europë dhe kjo tendencë po merr më shumë forcë me kalimin e kohës duke i dhënë një impakt këtij futbolli.

35 vjeçari ka dëshmuar në çdo ekip se është një sulmues vdekjeprurës por edhe pse në një moshë të tillë pasioni dhe kompromisi me profesionin e tij e kanë shëndërruar në një bomber në metrat e fundit i cili ka patur fatin të fitojë shumë trofe të rëndësishëm gjatë karrierës. 

Kalimi tek ekipi ku u formua natyrisht ishte  një hap i ëndërruar nga lojtari i lindur në Salto i cili momentalisht mendon se një kalim në Amerikë do të ishte fillimi i një aventure interesante për të vijuar me atë që di të bëjë më mirë , shënimin e golave .

Sigurisht firmosja me Luis Suarezin do të ishte një sukses shumë i madh për David Beckhamin dhe Inter Miamin , ekip në të cilin  do të gjente mbështetjen e një bomberi si Gonzalo Higuain që la shenjë në të kaluarën në Europë.