Rrugët e Atletico Madridit dhe Rodrigo De Paul janë drejt fundit të lumtur . ‘’ Los Colchoneros ‘’ janë shumë afër akordit me mesfushorin i cili momentalisht është i grumbulluar me Argjentinën në Kupën e Amerikës . Parashikimet theksojnë se zyrtarizimi do të bëhet brenda korrikut dhe sipas gazetarit të njohur italian Fabrizio Di Romano kryeqytetasit do ti paguajnë Udineses 35 milionë euro kundrejt një kontrate 5 vjeçare me lojtarin nga Sarandi .
Pas konfirmimit të largimit të Vitolos tek Getafe Diego Pablo Simeone me siguri duhet të ndihet shumë i kënaqur sepse 27 vjeçari mbetet një element tepër efektiv nga krahët dhe karakterizohet nga një teknikë brilante pa anashkaluar faktin e rrezikshmërisë që shkakton në luftën një kundra një .
Tek ‘’ Friulanët ‘’ Rodrigo De Paul ka shijuar një eksperiencë 5 vjeçare shumë të frytshme pavarësisht se bardhezinjtë kanë notuar gjithmonë në ujërat e mesit të tabelës . Ky hap i hedhur do ti japë qetësinë e duhur ‘’ El Cholos ‘’ pas largimit të konfirmuar të Saul Niguez për të cilin është dukshëm i avantazhuar Liverpooli.
Me largimin e Georginio Wijnaldum drejt ‘’ Parque De Prince ‘’ , ‘’ The Redsat ‘’ morën menjëherë përgjegjësinë e kërkimit të një zëvëndësuesi dhe pista Rodrigo De Paul vlerësohet nga Jurgen Klopp që kërkon të evitojë humbjen e mëtejshme të terrenit në funksion të rikthimit tek suksesi , epokë në të cilën asnjë kundërshtar nuk mund të përballonte furinë e nxënësve të tij .
Në lidhje me ishi-n e Racing Club dhe Valencias sezoni i lënë pas ishte një konfirmim se e ardhmja konsiderohet gjithmonë e më larg ‘’ Dacia Arenas ‘’ të cilin e ka finalizuar me 38 ndeshje , 9 gola dhe 11 asiste pavarësisht se Udinese u rendit e 14- ta .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
