Sezonin e kaluar Ismael Bennacer ishte një ndër më të rëndësishmit në suksesin e Milanit , ekip që uli nga froni Interin .
Transferimi nga Empoli në ‘’ San Siro ‘’ rezultoi një zgjedhje shumë cilësore e 24 vjeçarit i cili iu përshtat menjëherë skemave të Stefano Piolit duke zënë vend në 11-shen e italianit.
Por qëndrimi i Sandro Tonalit dhe mundësia e firmosjes me një tjetër lojtar, e nxjerr jashtë loje franko-algjerianin i cili tashmë pretendohet nga Chelsea .
‘’ Blutë e Londrës ‘’ do të mundohen të përfitojnë nga aktualiteti i Ismael Bennacer tek kuqezinjtë për të arritur akordin me ishi-n e Arsenalit, kontrata e të cilit me ‘’ Djallin ‘’ skadon në 30 qershorin e 2024-tës .
Pavarësisht se është ende herët , në rast se gjërat nuk do të ndryshojnë , anglezët i kanë ofruar një të ardhme ndryshe në ‘’ Stamford Bridge ‘’ , tek një Chelsea që ka ndryshuar shumë kohët e fundit , përfshirë edhe largimin e Thomas Tuchelit.
Me Graham Potterin në pankinë , kryeqytetasit po mundohen ta kthejnë situatën në favor por anglezit i duhet kohë për tu adaptuar sepse të drejtosh një ekip si Chelsea nuk është aspak e lehtë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
