Largimi i Antonio Rudiger tek Real Madridi do ti shkaktojë një dëm të madh mbrojtjes së Chelseat dhe tashmë ka filluar puna për ta zgjidhur gjatë merkatos se verës .
Londinezët janë në një proçes të rëndësishëm dhe tanimë me mbërritjen e pronarëve të rinj do të japin maksimumin në këtë periudhë për të qenë më kompetitiv në sezonin vijues.
Jules Kounde vijon të jetë një fiksim i Thomas Tuchelit për arsye se është një ndër lojtarët më premtues të aktualitetit dhe pas dështimeve të së kaluarës, ‘’ Blutë e Londrës ‘’ duan përsëri të tentojnë për ta transferuar në ‘’ Stamford Bridge ‘’.
Nëse i referohemi Sevillas , pretendimet e drejtuesve vijojnë të paluhatura dhe klauzola e prishjes së kontratës arrin 80 milionë eurot, shifër të cilën anglezët duhet ta paguajnë nëse duan të firmosin me 23 vjeçarin.
Përfshirja e disa ekipeve në këtë histori sigurisht e vështirëson disi objektivin e kryeqytetasve por vijojnë të insistojnë sepse Jules Kounde sa vjen edhe e përmirëson nivelin dhe natyrisht ky fakt influencon në pretendimin e ‘’ Los Rojiblancos ‘’ për yllin e skuadrës .
Duke qenë se kjo histori po përflitet shumë dhe Jules Kounde vijon të jetë protagonist i padiskutueshëm i merkatos , nëse Chelsea arrin të firmosë me ishi-n e Bordeaux do të ishte një sukses më vete duke patur parasysh këtu edhe peripecitë e kohëve të fundit me ndryshimin e pronarëve.
Herët a vonë besohet se kjo histori do të marrë zgjidhje sepse në kohë të vështira vihet më në dukje potenciali dhe anglezët janë shquar gjithmonë si një ekip i suksesshëm në merkato .
Thomas Tuchel është shumë i qartë në vendimet e tij dhe fakti se ngulmon kaq shumë do të thotë se tek Jules Kounde shikon një element tepër premtues për të ardhmen dhe futja në garë e disa ekipeve i jep absolutisht të drejtë gjermanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
