Në prag të ndeshjes me Kazakistanin që luhet nesë në orën 15:00 kanë folur sot trajneri i Kombëtares Edy Reja dhe kapiteni Etrit Berisha. I pyetur nëse fitorja është objektivi i vetëm trajneri është përgjigjur:
“Mua më intereson që skuadra të bëjë një paraqitje të mirë, kur luan mirë vjen edhe rezultati. Por nuk duam kurrsesi të humbasim sepse do të bie edhe stastusi i favoritit në grup. Unë e njoh mirë Kazakistanin dhe në fazën mbrojtëse është shumë e fortë."
Ndërkohë kapiteni Etrit Berisha, i ngarkuar në këtë detyrë si pasojë e mungesës së Hysajt, është shprehur më i prerë:
“Shqipëria është favorite, jemi më të mirët në letër, por ndeshja e kaluar ka treguar se edhe ekipet e tjera munden të fitojnë. Qe nga neser duhet të bëjmë diferencën në grupin tonë.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
