Momentalisht Alexander Isak vijon të jetë një ndër më premtuesit në Europë.
Suedezi, i krahasuar nga ekspertët me Zlatan Ibrahimovichin po lë gjurmë tek Newcastle United, ekipi më i pasur i botës.
Interesi për 25 vjeçarin po shtohet dhe një ndër pretendentët është Arsenali.
Ishi i Real Sociedadit është shumë i rrezikshëm përpara portës, i shpejtë dhe mjaft teknik, cilësi që e avantazhojnë gjatë sfidave.
Mund të thuhet pa asnjë dyshim se mbetet një ndër më të kompletuarit, sidomos në Premier League, për të cilin tashmë drejtuesit e bardhezinjve e kanë përcaktuar çmimin.
Afro 150 milionë euro pretendon të arkëtojë sheiku Al- Rumayyan, një shifër që natyrisht e ndërlikon ndjeshëm arritjen e objektivit nga ‘’ Topchinjtë ‘’.
19 gola në 27 sfida konsiderohet një statistikë shpresëdhënëse për të ardhmen e Newcastles, ekip i cili aspiron të arrijë majat në të ardhmen e afërt, në Angli dhe natyrisht kompeticionet europiane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
