Trajneri largohet nga skuadra ruse: Nuk mund të punoj në vendin përgjegjës për luftën

Trajneri gjerman, Markus Gisdol, është larguar nga drejtimi i skuadrës ruse, Lokomotiva e Moskës. Në fjalët e tij, ai tha se nuk mund të ushtrojë punën, në një vend, ku udhëheqësi është përgjegjës për luftën në Ukrainë, ku vuan një popull i gjithi.

“Nuk mund ta vazhdoj punën time në një vend ku udhëheqësi i tij është përgjegjës për luftën dhe agresionin në mes të Evropës. Kjo nuk është në përputhje me vlerat e mia, ndaj i kam kërkuar klubit dorëheqjen nga posti i trajnerit me efekt të menjëhershëm.

Nuk mund të qëndroj në fushë duke stërvitur dhe u kërkuar profesionalizëm futbollistëve, kur pak kilometra më larg jepen urdhrat për t’i shkaktuar vuajtje një populli të tërë.”