Dështimi për transferimin e Martin Zubiemendit në ‘’ Camp Nou ‘’ nuk i ka lënë zgjidhje tjetër Barcelonës veçse të vijojë të kërkojë një lojtar ideal për mesfushën .
Xavi Hernandez e njeh më mirë se kushdo këtë repart dhe ja ka vënë syrin Youri Tielamansit.
Ylli i Leicester City-t pretendohet prej kohësh nga disa ekipe dhe ‘’ Los Cules ‘’ duan medoemos të gjejnë një zëvëndësues ideal për Sergo Busquets , një ndër më të mirët e tyre prej shumë sezonesh .
Pas një investimi të konsiderueshëm prej 200 milionë eurosh në verë , në ‘’ Camp Nou ‘’ mendohet se akoma duhen përforcime gjatë merkatos së ardhshme dhe Youri Tielemans e ka bindur trainerin 42 vjeçar me paraqitjet tek ‘’ The Foxes ‘’.
Rinovimi i Martin Zubimendit me Real Sociedadin deri në 2027-tën praktikisht i ka dhënë fund tentativave të spanjollëve për ta larguar nga San Sebastian dhe 25 vjeçari mendohet një zgjidhje për mesfushën , në këtë periudhë tejet të vështirë për të besuarit e Xavi Hernandezit , të cilët janë me një këmbë jashtë Champions Leagues , fakt që do të përkthehej si një disfatë historike për gjigandët e Spanjës dhe jo vetëm .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
