Në orët e fundit një tjetër pretendent ka hyrë në garë për Brahim Diaz. Bëhet fjalë për Newcastle United, ekipi më i pasur në botë momentalisht.
Marokeni nuk e ka të sigurtë qëndrimin në ‘’ Santiago Bernabeu ‘’ dhe të ashtuquajturit ‘’ Las Urracas ‘’ do të tentojnë ta transferojnë në ‘’ St James Park ‘’.
Ulje-ngritjet tek ‘’ Los Blancos ‘’ nuk tolerohen në asnjë mënyrë dhe Premier League konsiderohet një destinacion atraktiv për sulmuesin.
Fakti që nuk konsiderohet një titullar në 11-shen e Xabi Alonson është mjaft domethënës dhe e bën edhe më të vështirë qëndrimin në kryeqytetin e Spanjës.
Florentino Perez i ka bërë llogaritë paraprakisht dhe është i gatshëm të nisë negociatat duke filluar nga 60 milionë euro.
Cilësitë e shfaqura nga ish-i i Milanit në metrat e fundit nuk janë anashkaluar nga traineri Eddie Howe i cili mbështetet fuqimisht nga presidenti Yasir Al- Rumayyan.
S’duhen nënvlerësuar as kuqezinjtë të cilët synojnë medoemos ta rikthejnë në ‘’ San Siro ‘’ dhe duhet shtuar se britanikët përbëjnë një kërcënim real për ta.
Ditët e mbetura të merkatos do të jenë determinante dhe nëse do të arrihet marrëveshja Brahim Diaz mund të shëndërrohet në një ndër blerjet më të bujshme në kampionatin anglez.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
