Ditën e sotme u zhvillua mbledhja e Komitetit Ekzekutiv të Federatës Shqiptare të Futbollit. Anëtarët e KE, miratuan rendin e ditës dhe procesverbalin e mbledhjes së zhvilluar më 24 maj të këtij viti.
Në mbledhje u miratuan disa pika të rendit të ditës, ku një prej tyre është edhe projekti i “100 Fushave”. Ky projekt konsiston në ndërtimin e fushave të reja në të gjithë Shqipërinë dhe ku mund të aplikojnë pa kufizim kushdo, individ, pushtet qendror a vendor, klub futbolli etj.
Gjithashtu, me unanimitet të plotë u miratuan edhe disa pika të tjera të rendit të ditës, që kanë të bëjnë me mbështetjen infrastrukturore që FSHF-ja do të japë për dy klubet e futbollit, KF Egnatia dhe KF Erzeni, me investimin në sistemin e ndriçimit në Kompleksin Tropikal si dhe me mbështetjen e shoqatës së të verbërve dhe të amputuarve në kuadër të programit të Përgjegjësisë Sociale dhe projekteve incentivuese HatTrick V.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
