Napoli rimerr kryesimin e Serisë A pas hapit fals të Interit që u mposht në San Siro nga Udineze me rezultatin 1-3. Napoletanët fituan me të njëjtin rezultat përballë Torinos, ku skuadra e Sarrit ishte fantastike në fraksionin e parë duke shënuar të tre golat.
Fillimisht shënoi Koulibaly që në minutën e 4-të dhe më pas shënuan edhe Zielinski dhe Hamsik që realizoi golin numër 115 me fanellën e Napolit duke arritur në këtë mënyrë rekoridin e legjendarit Maradona.
Ndërsa në pjesën e dytë, goli i Torinos u shërbeu vetëm statistikave, pasi rezultati mbeti i pandryshuar.
Gjithashtu edhe Roma ka marrë tri pikë të rëndësishme kundër Cagliarit në “Olimpico”.
Golin e fitores e shënoi Federico Fazio në minutën e 94’, të sfidës. Pas kësaj fitoreje të rëndësishme, Roma ka grumbulluar 38 pikë, aq sa Juventusi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
