Talenti spanjoll, Gavi, i ka mahnitur të gjithë me paraqitjet e treguara këtë sezon te skuadra e Barcelonës.
17-vjeçari debutoi me katalanasit në shkurt të vitit të kaluar dhe tashmë me Xavi trajner është kthyer në një titullar të padiskutueshëm.
Duke parë paraqitjet e shkëlqyera, Chelsea ka shfaqur interes për spanjollin, me trajnerin Tuchel që e pëlqen shumë dhe e do në skuadër. Megjithatë Barcelona nuk ka ndërmend të heqë dorë nga shërbimet e Gavi dhe për këtë arsye ka vendosur ta “blindojë”.
Katalanasit kanë gati kontratën e re deri në vitin 2026, ku lojtari do të ketë rritje të rrogës sezonale, ndërsa klauzola e largimit do të jetë 1 miliard euro, duke e bërë të pamundur që ndonjë skuadër tjetër ta afrojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
