Në sezonin e katërt me Evertonin James Garner po dëshmon edhe njëherë kualitetin në fushën e lojës.
Mesfushori ka ditur të performojë në lartësinë e një kampionati si Premier League, edhe pse me një ekip të dorës së dytë.
Mirëpo kjo ecuri nuk ka kaluar pa u vënë re nga drejtuesit e Liverpoolit të cilët do ta tentojnë medoemos kalimin e anglezit në ‘’ Anfield Road ‘’ gjatë merkatos së verës.
Presidenti Tom Werner e ka marrë shumë seriozisht dhe ka ofruar afro 70 milionë euro për shërbimet e tij.
Do të jetë një merkato verore tejet determinante për ‘’ Të Kuqtë ‘’, një ekip i formuar për të qenë protagonist në çdo sezon edhe pse së fundmi ka patur ulje-ngritje të vazhdueshme.
Traineri Thomas Tuchel e ka krahasuar 25 vjeçarin me Federico Valverden, i cili spikat për aspektin fizik, inteligjencën në atë taktik dhe vazhdimësinë.
Por ish fituesit e Champions Leagues dhe Premier Leagues s’do ta kenë të lehtë sepse thuhet se edhe drejtuesit e Real Madridit po e vëzhgojnë me shumë kujdes James Garner dhe si pothuajse në çdo periudhë transferimesh edhe në vijuesen do të zhvillohet një supersfidë.
Referuar rendimentit të shkëlqyer natyrisht edhe vlera e kartonit është rritur në mënyrë të konsiderueshme i cili në sezonin aktual numëron 3 gola në 33 sfida.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
