Trajneri jep dorëheqjen nga drejtimi i skuadrës në Kategorinë e Parë

Adriatik Faslli nuk do të jetë më trajner i Turbinës. Tekniku sarandjot, ka dhënë dorëheqjen, e cila është pranuar nga klubi.

Ky largim vjen menjëherë pas humbjes me Flamurtarin, aty ku cërrikasit u mposhtën 3-0.

Pas 3 javëve të para, Turbina mban vendin e fundit në kampionat, me vetëm 1 pikë të grumbulluar.

Njoftimi i klubit:

“KF Turbina njofton se trajneri Adriatik Faslli ka dhënë dorëheqjen nga drejtimi i ekipit për arsye familjare dhe klubi ka pranuar dorëheqjen. I urojmë suksese në të ardhmen në karrierë dhe e falënderojmë për punën e bërë. Në vijim do të njoftojmë për emërimin e trajnerit të ri.”