Kualifikimi në Uefa Champions League i ka dhënë për të kuptuar Milanit se për të treguar forcën e vërtetë në këtë kompeticion janë të domosdoshme ndërhyrjet e merkatos . Stefano Pioli vijon pa pushim me kërkesat në funksion të përmirësimit të organikës dhe këtë herë sipas As ka spikatur Luka Jovic. Serbi ka zhvilluar një sezon shumë pozitiv me Frankfurtin dhe drejtuesit e kuqezinjve e shikojnë si shoqëruesin e duhur për Zlatan Ibrahimovic figura e të cilit nuk ka nevojë për koment .
Objektivat e ‘’ Djallit ‘’ janë shumë të qarta sepse kërkon të ketë të siguruar çdo pozicion për arsye se sezoni vijues do të ketë një peshë shumë të madhe në këmbët e lojtarëve sidomos me performancën në Champions League .
Gjatë javëve të fundit Milani negocioi për transferimin e Olivier Giroud në ‘’ San Siro ‘’, por pa sukses dhe besojnë se Luka Jovic është opsioni më i mirë për repartin e avancuar . Aktualisht 23 vjeçari ndodhet në cilësinë e huazimit tek gjermanët pasi kartonin e tij e zotëron Real Madridi dhe interesi i Milanit i krijon një variant interesant për të ardhmen . Pozicioni i italianëve mbetet shumë i favorshëm për këtë sulmues sepse do të kishte një shans të artë pasi Milani është një skuadër që pavarësisht se e ka humbur disi protagonizmin në vitet e fundit mbetet një rival për tu respektuar .
4 golat në 18 ndeshjet e sezonit treguan se huazimi në Frankfurt ishte një operacion i qëlluar në shenjë dhe tashmë ‘’ Los Blancos ‘’ duhet të analizojnë me detaje këtë ofertë për të bërë zgjedhjen më të mirë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
