Prej shumë javësh tentativash të pandërprera drejtuesit e Milanit nuk kanë arritur asnjë rezultat në lidhje me rinovimin e Franck Kessie-s .
Mesfushori nga Bregu i Fildishtë është një pjesë thelbësore e këtij reparti por kuqezinjtë po fillojnë ta kuptojnë se 24 vjeçari preferon ndërrimin e destinacionit . Një fakt që e demostron diçka të tillëdhe që është publikuar nga ‘ Calciomercato ‘ është se së fundmi nuk ka patur mbledhje ndërmjet agjentit të tij dhe krerëve të italianëve për të trajtuar çështjen në fjalë dhe mendohet se arsyeja e mosakordit është Paris St Germain .
‘’ Les Pariziens ‘’ nuk duan ta ndalojnë objektivin madhor që lidhet me formimin e një skuadre yjesh e cila do ta afrojë me fitimin e Champions League.
Kjo mundësi jo vetëm në aspektin kolektiv por edhe në atë ekonomik është një shans shumë i mirë për Franck Kessie . Oferta e Nasser Al Khelaifit mund të rezultojë e parefuzueshme si për Milanin ashtu edhe për afrikanin dhe nëse do të ketë sukses do të konsiderohej një aset i çmuar për kryeqytetasit të cilët i kanë idetë e qarta për të ardhmen .
Rruga e deritanishme favorizon pa asnjë dyshim ish kampionët e Ligue 1 dhe transferimi i mundshëm në ‘’ Parque De Prince ‘’ me siguri do t’ia ndryshonte totalisht karrierën nxënësit të Stefano Piolit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
