Kur u duk sikur ishte në rrugë të mbarë në lidhje me merkaton , Barcelona ka hasur një tjetër problematikë në orët e fundit . Objektivi për të transferuar Memphis Depay në ‘’ Camp Nou ‘’ s’do të jetë edhe aq i lehtë sepse Juventusi i ka futur hundët dhe e konsideron hollandezin një alternativë të dobishme për sulmin . Sipas Mundodeportivos ‘’ Zonja e Vjetër ‘’ është e gatshme të ofrojë më shumë para për transferimin e 27 vjeçarit duke sfumuar shpresat e Barcelonës e cila në javët e fundit ishte entuziazmuar shumë për këtë lojtar .
Kjo pistë e redukton automatikisht mundësinë e katalanasve për të dalë të fituar në këtë operacion sepse bardhezinjtë i kanë ofruar një pagë që konsiderohet në tre millionë euro më shumë sesa spanjollët . Kampionati europian pritet të jetë një eveniment shumë përcaktues për sulmuesin e Lyonit sepse në rast të realizimit të objektivave nga Memphis Depay menjëherë vlera e kartonit të do të rritej dhe do ta vinte në kundrakohë Barcelonën e cila ëndërron që shumë shpejt ta ketë pjesë të saj .
Në lidhje me torinezët duhet shtuar se gëzojnë financa të shëndosha dhe ndoshta mund t’ia prishin planet kuq e bluve në minutat e fundit , fakt që do të rezultonte si një tjetër goditje e fortë pas asaj që Paris St Germain i dha me firmosjen e Georginio Wijnaldum .
Memphis Depay mbetet një ndër figurat e spikatura të sulmit të Lyonit dhe e ka demostruar me 22 gola dhe 12 asiste në 40 ndeshjet e sezonit të lënë pas dhe ‘’ Les Gones ‘’ duhet të përgatiten për të përfituar për një lojtar që ka lënë gjurmë tek francezët .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
