Prej shumë muajsh po spekullohet fuqishëm se Marcelo Vieira është afër përfundimit të ciklit me Real Madridin . Brazilianit i mbetet edhe një vit kontratë me ‘’ Galaktikët ‘’ por zërat e fundit flasin për largimin në tokën e premtuar që mbetet një opsion interesant për lojtarë që janë drejt përfundimit të karrierës . Eshtë Major League Soccer liga që është interesuar për 33 vjeçarin dhe protagonisti i kësaj ngjarje është Inter Miami . Sipas As presidenti David Beckham e vlerëson shumë karrierën e bërë dhe spanjollët duan t’ia lirojnë rrugën Marcelos për të mos humbur më kohë dhe të shijojë vitet e mbetura në një kampionat që ka shënuar rritje të kualitetit në vitet e fundit.
Arsyeja e kësaj arritje janë bërë lojtarët e njohur që kanë impresionuar në të kaluarën në Europë dhe kanë zgjedhur Amerikën për të varur këpucët në gozhdë. Në sezonet e fundit loja e tij është karakterizuar nga gabimet e njëpasnjëshme që i kanë krijuar lehtësira kundërshtarëve për ti ndëshkuar ‘’ Los Blancos ‘’ .
Kjo arsye ka bindur Zinedine Zidane për ta zëvëndësuar Marcelon me Ferland Mendy-n. Interesi i Inter Miamit është një mundësi e shkëlqyer për mbrojtësin nga Rio De Janeiro për të finalizuar eksperiencën 15 vjeçare në ‘’ Santiago Bernabeu ‘’ dhe te transferohet në një ligë që është drejt marrjes së famës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
