Një lajm i mirë ka ardhur ditën e sotme për të gjithë tifozët në Spanjë. Autoritetet shëndetësore spanjolle kanë njoftuar se sezonin e ardhshëm do të lejohen tifozët në stadiume me kapacitet të plotë.
I vetmi kusht për të pranishmit në shkallët e stadiumeve, do të jetë mbajtja e maskave, për të mos rrezikuar infektimin e të tjerëve. Pas më shumë se një viti mungesë, tashmë tifozët në Spanjë, do të kenë mundësinë të ndjekin nga afër skuadrat e zemrës.
Pas shpërthimit të pandemisë, tashmë gjithçka pak nga pak po rikthehet në normalitet. Ndërkohë edhe Europiani që po zhvillohet këtë verë, luhet me praninë e tifozëve, ndonëse në disa stadiume kjo bëhet me numër të reduktuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
