Atletico vazhdon në mënyrë të pandalur luftën në drejtim të perfeksionimit të mëtëjshëm . ‘’ Los Colchoneros ‘’ do ta startojnë sezonin e ardhshëm me etiketën e kampionit të La Ligas , fakt që konsiderohet një sinjal për kundërshtaret sidomos për Real Madridin dhe Barcelonën se nuk do ta kenë të lehtë ta ulin nga froni.
Një prej pozicioneve që drejtuesit kryeqytetas mendojnë ta përforcojnë eshte porta dhe po vëzhgojnë me kujdes Joel Robles të Real Betisit .
Transferimi i Rui Silvas në ‘’ Benito Villamarin ‘’ ia ka reduktuar disi shanset për të vijuar si titullar tek ‘’ Los Verdiblancos ‘’ dhe Atletico Madridi kërkon të përfitojë dhe ta bëjë pjesë të tijën . 31 vjeçari mban mbi supe eksperiencën e duhur për tu vënë nën urdhërat e Diego Simeones dhe një element që mendohet se do ti shërbejë është se e njeh shumë mirë La Ligan .
Nga ana tjetër numri një i pankinës së andaluzëve Manuel Pellegrini e ka deklaruar në disa raste se favoriti për kuadratin e bardhë mbetet Rui Silva i cili do të mbështetet në çdo rast nga veteran Claudio Bravo , duke ia bërë gati të pamundur qëndrimin Joel Roblesit .
Ky operacion shikohet si shumë pozitiv nga skuadrat respektive të cilat do të dilnin të fituara në vigjilie të një sezoni që pritet të përcillet me shumë emocione . Sezonin e kaluar me ‘’ Los Beticos ‘’ e mbylli me 22 prezenca në të cilat pësoi 28 gola dhe e mbajti portën të paprekur në 7 ndeshje .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
