Duke qenë se Robert Lewandowskit nuk i mbeten edhe shumë vite në futbollin e luajtur tek Barcelona kanë nisur tratativat për të firmosur me një tjetër lojtar.
Gjetja e zëvëndësuesit ideal është një sfidë më vete por në kohët e fundit drejtuesit e ‘’ Blaugranëve ‘’ kanë shqyrtuar disa emra.
I fundit është Victor Osimhen, aktualisht pjesë e Galatasaray-t.
Nigeriani po zhvillon sezonin e dytë me turqit dhe statistikat e arrira kurrsesi nuk mund të anashkalohen.
19 gola në 28 sfida e shëndërrojnë në një ndër më të rrezikshmit në metrat e fundit, i denjë për të përfaqësuar çdo ekip elite.
Për më tepër 27 vjeçari shquhet për aspektin fizik, nuhatjen përpara portës dhe fitimin e dueleve me rivalët.
Hansi Flick vijon i paqartë në lidhje me performancën e Ferran Torres dhe ishi-t të Bayern Munchenit dhe një situatë e tillë është e patolerueshme tek ish fituesit e La Ligas dhe jo vetëm.
Por Joan Laporta është i ndërgjegjshëm se një lojtar si ishi i Napolit kushton shtrenjtë të cilit do ti duhet të bëjë një sakrificë për ta transferuar gjatë merkatos së verës në ‘’ Camp Nou ‘’.
Projekti i kreut të ‘’ Los Cules ‘’ është tejet ambicioz, me kryefjalë dominimin në çdo kompeticion por për arritjen e objektivave duhen me patjetër blerje cilësore në fundin e sezonit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
