Barcelona ka vazhduar marshimin drejt titullit kampion pasi ka fituar dhe në ndeshjen e javës së 32-të në La Liga. Katalanasit arritën të mposhtnin në shtëpi Valencian me rezultatin 2-1.
Pjesa e parë e takimit ishte thuajse e barabartë, me të dyja skuadrat që krijuan shumë raste për gol.
Megjithatë, ishin vetëm vendasit të cilët arritën të shënojnë me anë të Luis Suarez (15′), i cili shënoi për 1-0 pas asistimit të Philippe Coutinhos dhe me këtë rezultat skuadrat shkuan në pushim.
Në pjesën e dytë, Barcelona arriti shpejt ta gjej edhe golin e dytë, ku Samuel Umtiti (51′) shënoi me kokë për 2-0, pasi edhe ky u asistua nga Coutinho.
Goli i mysafirëve erdhi vetëm në minutën e 86-të, ku Daniel Parejo shënoi nga pika e bardhë e penalltisë, kjo edhe me ndihmën e portierit Marc-Andre Ter Stegen dhe ky gol vulosi rezultatin përfundimtar dhe fitoren e Barcelonës 2-1.
Pas kësaj fitore, Barcelona mbetet në vendin e parë me 82 pikë, shumë afër shpalljes kampion, ndërsa Valencia mbetet në vendin e tretë me 65 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
