City pëlqen Zielinskin

Fiksimi i Pep Guardiolas për të fituar Champions Leaguen nuk ka të reshtur  . Manchester City e mori sinjalin e parë në sezonin e përfunduar ku u mund në finale nga Chelsea . Spanjolli e ka kuptuar se duhet të ndryshojë disa aspekte që mund të bëjnë diferencën në momente determinante dhe objektivi i rradhës është  Piotr Zielinksi.  Sipas Calciomercatos  interesi i ‘’ The Citiziens ‘’ për polakun ka rezultuar i hershëm por është përforcuar sidomos gjatë performancës me kombëtaren e tij në Europian . 

  Prej shumë sezonesh 27 vjeçari konsiderohet si një ndër lojtarët më të mirë të Serisë A   por tashmë me anglezët prapa derës e ardhmja e tij mund të marrë një tjetër drejtim gjatë merkatos .  Momentalisht  analizat vijojnë në zyrat e krerëve të Manchester City-t për një mesfushor i cili me shumë meritë ka arritur të ngjitet në këtë stad të karrierës .   Sipas Transfermarkt  vlera e kartonit të tij arrin 50 milionë eurot por problematika e vetme në këtë rast është se kontrata me Napolin do të jetë në fuqi deri në 30 qershorin e 2024- tës .  

Karakteristikat e lojës së  Piotr Zielinski pëlqehen shumë nga i famshmi ‘’ Pep ‘’  prezenca e të cilit do ti krijonte variante të vlefshme gjatë sezonit vijues ku  ishullorët do të bëjnë çmos për të mos e humbur protagonizmin e fituar në tërë këto sezone .  

Karakteri fitues i Pep Guardiolas konsiderohet si shtysë për këtë skuadër yjesh të cilës i nevojitet të jetë pak më e kujdesshme në metrat e fundit të sezonit dhe me eksperiencën e fituar në tërë këto vite parashikimet janë në favor të Manchester City-t . Sezoni për Piotr Zielinskin është shoqëruar me 47 ndeshje dhe 10 gola , statistika që e kanë favorizuar për tu pjesë e planeve të një prej skuadrave të momentit.