Trajneri i Kosovës, Franco Foda, foli në konferencë për mediat, në prag të miqësores me Hungarinë.
Foda vlerësoi kundërshtarin, duke thënë se janë shumë të fortë, por shtoi se ekipi i tij e pret me padurim këtë përballje.
Jemi duke u përgatitur për një ndeshje mjaft të rëndësishme. Kemi fituar ndaj Armenisë me epërsi minimale, por mund të ishte fitore më e thellë. Megjithatë morëm fitoren, ndërsa tani na pret një ndeshje tjetër e rëndësishme. Mezi presim të paraqitemi në ndeshjen kundër Hungarisë në një stadium që pritet të jetë i mbushur.
Nuk do të jetë e lehtë, luajmë kundër një ekipi shumë të fortë. Ne zhvilluam ndeshje të mirë ndaj Armenisë, kemi skuadër që ka aftësi teknike.
Do të jetë e vështirë përballja ndaj Hungarisë që drejtohet nga një trajner që ka treguar paraqitje të mira siç është Marco Rossi. Ne mbesim skuadër e fortë dhe kemi besim te grupi ynë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
