Diego Costa nuk e bind Gasperinin

 Dëmtimi i Duvan Zapatas i ka krijuar shumë shqetësime Gian Piero Gasperinit i cili prej disa sezonesh vijon ta ngrejë nivelin e Atalantës.  

Para disa ditësh emri i Diego Costas nisi të qarkullojë tek bergamaskët por strategu italian duket jo entuziast në lidhje me brazilianin dhe gjithashtu i ka krijuar një pakënaqësi më vete sepse për shkak të ‘’ La Deas ‘’ 33 vjeçari u tërhoq nga negociatat me Fenerbahchen .

 Sipas ‘ Calciomercatos ‘ teorinë e tij ishi i Interit  e ka mbështetur në faktin se Diego Costa ka pësuar shumë dëmtime gjatë karrierës , fakt që mund të përbëjë një problem në të ardhmen  .

Pozicioni i Gian Piero Gasperinit s’do të thotë se negociatat nuk mund të avancojnë, por ishi i Interit kërkon të jetë shumë i sigurtë në zgjedhjet e tij  që konsiderohen determinante për ecurinë e  italianëve .

Nëse i referohemi Diego Costas , normalisht braziliani ndihet shumë i karikuar dhe i përgatitur  për hapjen e një tjetër kapitulli në Europë dhe e ka shprehur në shumë raste se dëshiron Serinë A , kampionat që do të bëhej i treti ndër më të rëndësishmit e tokës së premtuar .

Dështimi me kalimin tek modestët e Salernitanës i prodhoi dhimbje të forta koke por golashënuesi vijon të shpresojë se shumë shpejt mund ta arrijë objektivin.

Një lojtar si Duvan Zapata meriton një zëvëndësues që bind sepse mbetet protagonist absolut i ofensivës dhe drejtuesve të Atalantës i mbetet një punë voluminoze përpara për ti vënë pikën kësaj historie .