Është mbyllur pa gola pjesa e parë mes Turqisë dhe Italisë, ndeshjes hapëse të Europianit. Në minutën e 21, Italia pretendoi për penallti, teksa pas një gjuajtje nga Immobile, topi përplaset në dorën e Soyuncu, por arbitri e konsideroi gjithçka të rregullt.
Një minutë më vonë, skuadra e Mancinit i shkoi shumë afër golit, me Chiellinin, por ky i fundit pa që gjuajtja e tij me kokë, të ndalej nga portieri Cakir. Italia nuk i ndali sulmet, duke i shkuar disa herë afër golit, por pa sukses.
Për sa i përket formacioneve, Mancini vjen me një 4-3-3, ku në portë luan Donnarumma, mbrojtja përbëhet nga Florenzi, Bonuçi, Chiellini dhe Spinazzola, në mesfushë e nisin titullarë Barella, Jorginho dhe Locatelli, ndërsa sulmi përbëhet nga Berardi, Insigne dhe Immobile.
Nuk ka surpriza te Turqia që rreshtohet me 4-1-4-1, teksa e nis nga minuta e parë në portë Cakir dhe para tij qëndrojnë Meras, Soyuncu, Demiral dhe Celik, ndërsa Yokuslu qëndron para mbrojtjes. Pas sulmuesit kryesor Yilmaz, qëndrojnë Calhanoglu, Yazici, Tufan dhe Karaman.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
