Niveli i shkëlqyer në sezonin e lënë pas, vijon ti sigurojë pretendentë Khephren Thuram.
Për francezin prej kohësh skuadrat me emër janë hedhur në sulm, ndër të cilat përfshihet Liverpooli.
Sipas informacioneve të fundit, drejtuesit e “ The Redsat ‘’ janë të ndërgjegjshëm për cilësitë e mesfushorit, të cilët janë të gatshëm të ofrojnë 45 milionë euro për djalin e legjendës Lilian Thuram.
Rivaliteti do të jetë i ashpër për yllin e Nices por traineri Arne Slot shpreson se do të vendosë për ‘’ Anfield Road ‘’.
23 vjeçari shquhet si një lojtar me shumë kualitet, tejet efikas në aspektin taktik dhe i rrezikshëm me inkursionet drejt portave kundërshtare.
Interesi i anglezëve përbën një sukses në karrierë sepse në çdo sezon janë pretendentë seriozë për fitimin e titujve, në Angli dhe sigurisht Europë.
Megjithatë sezoni vijues do ti japë startin një tjetër etape në historinë e Liverpoolit, nën drejtimin e hollandezit, i cili ka provuar veten edhe tek Az Alkmaari dhe Feyenoordi.
Në sezonin aktual Khephren Thuram ka kontribuar me 1 gol dhe 1 asist në 29 sfida me Nicen, ekip që do të përfaqësohet në Europa League vijuesin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
