Sulejman Starova, u shpreh se Dudelange, ishte kundërshtari më i lehtë për skuadrën e Tiranës në turin e parë në Champions League, por bardheblutë duhet të kenë kujdes.
Në emisionin “Skaner” në MCN TV, Starova deklaroi se situata te skuadrat shqiptare para ndeshjeve në Europë, nuk është e mirë.
Dudelange ishte kundërshtari më i lehtë për Tiranën. Me siguri, që trajneri dhe lojtarët e dine kë kanë përballë. Gradualisht, edhe publiku është me këmbë në tokë dhe duhet kujdes. Situata nuk është normale dhe e mirë për skuadrat shqiptare në këtë kohë.
Tiranës, i kanë ikur 7 lojtarë, por dy ishin titullarë. Vështirësia për të gjetur lojtarët para Europës është një nga vështirësitë e mëdha në Shqipëri në këto vitet e fundit. Nëse arrijnë të shesin 2, te Tirana marrin të ardhura të rëndësishme. Harmonia është gjëja më e rëndësishme për të pasur sukses në një skuadër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
