Pas kualifikimit historik në çerekfinalet e Champions Leagues , Real Madridi e ka kthyer fokusin në merkato pasi pavarësisht ecurisë pozitive, Carlo Ancelotti vijon të jetë i shqetësuar në lidhje me disa reparte.
Siç dihet Luka Modricit nuk i ngelen edhe shumë vite në tapetin e gjelbër për arsye të moshës 36 vjeçare dhe ‘’ Galaktikët ‘’ janë në një moment ideal për të kthyer faqen .
‘’ Les Pariziens ‘’ morën një mesazh që duhet ta mbajnë vath në vesh i cili tregoi se eksperienca në faza të tilla në të shumtat e rasteve e mund dëshirën e madhe për të ecur përpara .
Në listën e gjatë të ishi-t të Napolit ekzistojnë tre emra shpresëdhënës të cilët janë analizuar vazhdimisht nga drejtuesit e kryeqytetasve gjatë kohës .
Nicolo Barrella është një ndër të përzgjedhurit e teknikut 62 vjeçar , pothuajse i njëjtë me Luka Modric por me një shpirt luftarak për tu marrë shembull, i domosdoshëm për ecurinë e Real Madridit.
Spanjollët janë të ndërgjegjshëm për ndryshimet që mund të pësojë mesfusha me prezencën e 25 vjeçarit dhe nuk mendojnë të ndalen deri në bindjen e ishi-t të Cagliarit .
Italiani ndiqet nga Lovro Majer që aktivizohet në rradhët e Rennes dhe Real Madridi po i mban hapur dyert e ‘’ Santiago Bernabeut ‘’ sepse bashkombasi i nënkampionit të botës në fuqi vijon të shkëlqejë dhe madrilenët synojnë të ndërthurin eksperiencën me talentin për arritjen e rezultateve të menjëhershme sepse pritja e gjatë po ia sos durimin drejtuesve , në veçanti Florentino Perezit , president nderi për shumë vite i kësaj skuadre , investimet e të cilit i kanë siguruar suksese të panumërta .
Ndërsa i treti është Sergej Milinkovic- Savic. E ardhmja në ‘’ Olimpico ‘’ vijon të jetë e paqartë sepse pretendohet edhe nga Juventusi dhe Manchester United por peticioni i Claudio Lotittos po e stërzgjat këtë histori që natyrisht e dëmton vijimësinë e Real Madridit .
Fakti se ‘’ Los Blancos ‘’ gjithmonë janë karakterizuar nga lufta deri në momentin e fundit , e ashpërson sulmin sepse objektivat e bëjnë edhe më të madhe dëshirën për të firmosur me lojtarët më të mirë në treg dhe të avancohet drejt fitimit të çdo trofeu në të ardhmen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
