Paris St Germain , në garë për Majer

 Orët e fundit drejtuesit e Paris St Germain kanë deklaruar objektivin e rradhës në merkato.

Bëhet fjalë për Lovro Majer, mesfushor i pretenduar edhe nga Atletico Madridi.

Talenti i Rennes  u përfshi edhe në listën e Real Madridit në të kaluarën por sipas ‘ MediaFoot ‘ drejtori sportiv i ‘’ Les Pariziens ‘’ Luis Campos  e shikon një opsion ideal transferimin e kroatit në ‘’ Parque de Prince ‘’ , edhe pse gara do të jetë shumë e ashpër deri në fund.

Merkatoja e verës parashikohet si gjithmonë emocionese dhe me të papritura dhe kuq e blutë mendojnë të ofrojnë rreth 40 milionë euro për shërbimet e 25 vjeçarit , shumë i rëndësishëm për Rennes.

Kjo periudhë do të jetë shumë përcaktuese për karrierën e ishi-t të Dinamo Zagrebit dhe njëkohësisht një mundësi për francezët për ti mbushur arkat me shitjen e tij.

Pa dyshim që Real Madridi dhe Paris St Germain janë më të favorizuar se ‘’ Los Colchoneros ‘’ për Lovro Majer por s’duhet harruar se surprizat janë pjesë e pandashme e çdo merkatoje dhe duke iu referuar këtij fakti , ish fituesit e La Ligas kanë shumë shanse për të firmosur me lojtarin nga Zagrebi.