Sergio Ramos u transferua me bujë te PSG në merkaton e verës, por aventura e tij me klubin francez mund të mbyllet ende pa nisur mirë.
Mbrojtësi vuan nga një dëmtim nga maji i këtij viti dhe nga ajo kohë nuk ka zbritur asnjëherë në fushë. Spanjolli nuk e ka bërë ende debutimin e tij me PSG dhe kjo ka bërë që drejtuesit të mendojnë largimin e futbollistit.
Sipas asaj që raporton “El Pais”, duke parë problemet e vazhdueshme të 35-vjeçarit, drejtuesit po mendojnë ndërprerjen e kontratës me lojtarin. Kontrata e Ramos përfundon në qershor të 2023, por drejtuesit tashmë e quajnë si një dështim të merkatos dhe po mendojnë të nisin negociatat me mbrojtësin, për ndërprerjen e bashkëpunimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
