Prej kohësh tashmë sulmuesi i Real Sociedadit Alexander Isak konsiderohet një ndër më interesantët e tregut . Suedezi ka shfaqur një rendiment për tu marrë shembull me ‘’ Los Txuriurdines ‘’ dhe ka tërhequr vëmëndjen e disa ekipeve .
Një ndër të mëdhatë e Anglisë si Arsenali prej sezonesh është në kërkim të gjetjes së vetvetes po deri më tani nuk i ka ecur dhe ka konsideruar prioritet transferimin e golashënuesit në ‘’ Emirates ‘’.
Pavarësisht se 22 vjeçari e ka rinovuar kontratën me bardheblutë nga ana tjetër ‘’ Topchinjtë ‘’ do të marrin çdo iniciativë për ta larguar nga ‘’ Reale Arena ‘’ sepse statistikat e tij flasin vetë dhe e deklarojnë automatikisht një bomber të vërtetë .
5 gola në 13 ndeshje me një skuadër të dorës së dytë në Spanjë e cila ka fatin të militojë edhe në Europa League dhe për më tepër kryeson me meritë La Ligan pa harruar as Suedinë janë një dëshmi se e ardhmja e Aleksander Isak do të jetë brilante.
Kryeqytetasit janë në mëdyshje në lidhje me qëndrimin e dy referentëve të sulmit në Londër si Alexandre Lacazette dhe Pierre Emerick Aubameyang dhe stili i lojës së nordikut përshtatet mjaft mirë me atë të Arsenalit që kërkon të dalë nga gropa e thellë ku është futur për faktin se sezonin e kaluar nuk mundi të sigurojë një vend në Europë dhe mbetet për tu parë vijimësia e djemve të Mikel Artetas deri në fundin e sezonit .
Spanjollët kanë deklaruar me kohë se nuk e përjashtojnë shitjen e mundshme të perlës së ofensivës gjithmonë nëse Arsenali do të plotësojë kushtin prej 40 milionë eurosh të Real Sociedad , shifër e nxjerrë nga ‘ Transfermarkt ‘.
Një tjetër statistikë që s’duhet mënjanuar e cila njëkohësisht ia rrit vlerat shtatlartit nga Solna është se në 3 sezone me vaskët ka shënuar 38 gola dhe 6 asiste në 101 ndeshje , mjaft shpresëdhënëse këto për një lojtar që e ka shënuar emrin si një prej bomberave të së ardhmes në kontinentin e vjetër .
Theksi do të vihet tek negociatat ndërmjet palëve dhe i mbetet në dorë Arsenalit për të pasuruar repartin e avancuar me një komponent që garanton shumë dhe duke konsideruar cilësitë e tij konkludohet se do të përshtatej menjëherë me Premier Leaguen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
