Ish-volejbollisti i Kombëtares, Bledar Doçi thotë se futbolli luhet me zemra dhe jo me emra. I ftuar në emisionin “EuroZone” në MCN TV, ai gjithashtu tha se portieri i Çekisë nuk ka pasur shumë probleme dhe më shumë e ka mendjen te goli i Cikalleshit që pësoi në miqësoren ndaj Shqipërisë, pak ditë para startit të Europianit.
“Ndoshta nuk pritej kjo Francë, pasi ishin favoritët kryesorë. Megjithatë futbolli luhet me zemra, jo me emra. Nuk mund t’i quajmë si ekipe të vogla, pasi në fushë kanë treguar paraqitje të mira. Portieri i Çekisë më shumë e ka mendjen te goli i Cikalleshit sesa te këto të tjerat në Europian, nuk është se ka pasur aq shumë probleme.”, u shpreh Doçi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
