Është mbyllur në barazim pa gola sfida mes Teutës dhe Kukësit në "Elbasan Arena", e vlefshme për javën e 13-të në Abissnet Superiore.
Pjesa e parë ishte më të vërtetë spektakolare, por nuk mund të thuhet e njëjta gjë edhe për 45 minutat e dyta, të cilat ishin të vakëta.
Verilindorët gjetën golin e avantazhit në minutën e 9-të me Taipin, por u anulua për pozicion jashtë loje. Në minutën e 21, u anulua një tjetër gol për Kukësin i shënuar nga Marku, përsëri për pozicion jashtë loje.
Teuta u mundua të reagonte dhe në minutën e 25-të i shkoi shumë afër golit, por gjuajtja e Emiljano Vilës u ndal te shtylla.
Në minutën e 46, ishte futbollisti i Kukësit, Edi Basa i cili u ndal nga shtylla. Pjesa e dytë ishte e qetë, me skuadrat që nuk krijuan shumë raste për shënim.
Me këtë barazim, Kukësi mbetet në vendin e dytë me 24 pikë dhe i jep një “asist” Tiranës për t’u shkëputur, ndërsa Teuta mbetet në vendin e 5-të me 18 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
