Mesfushori i talentuar, Ilaix Moriba vazhdon të mbetet jashtë Barcelonës dhe kjo jo për shkak të formës së tij, por për çështje jashtë fushës. 18-vjeçari nuk pranon rinovimin kontratës, pavarësisht ofertave të bëra nga drejtuesit.
Në këtë situatë, te Barcelona kanë vendosur që në rast se Moriba nuk rinovon kontratën, e cila i skadon në fund të sezonit, atëherë do e lënë në tribunë gjatë gjithë sezonit.
Për këtë ka folur edhe trajneri Roland Koeman, i cili është shprehur se paratë nuk mund të jenë kaq të rëndësishme për një futbollist 18-vjeçar, duke e quajtur situatën me lojtarin si të tmerrshme.
“Kam folur me të dy ose tri javë më parë, më shumë si person sesa si trajner i Barcelonës. Situata e tij është e tmerrshme. Ai është e ardhmja e klubit, por ai nuk luan dhe nuk është me ne. E di nga klubi se çfarë dëshiron t’i ofrojë këtij lojtari. Këshilla ime është se paratë nuk janë gjëja më e rëndësishme, duhet të luash sa më shumë ndeshje, por lojtari dhe njerëzit pranë tij kanë vendosur ndryshe. Unë jam i zhgënjyer nga kjo situatë. Besoj më shumë në gjërat e futbollit sesa te kontratat. Në moshën 18-vjeçare, paratë nuk mund të jenë kaq të rëndësishme.”, u shpreh Koeman.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
