Trajneri Nevil Dede, analizoi ecurinë e Teutës në kampionat dhe fitoren e tyre ndaj Tiranës.
Në emisionin “Skaner” në MCN TV, Dede deklaroi se futbolli në Shqipëri po bëhet më shumë dyluftim, pozicion dhe pragmatizëm.
Në fjalën e tij, Dede u shpreh se Teuta në drejtimin e Martinit është shumë plus me Tiranën sa i përket rezultateve, por kjo sipas tij nuk tregon të vërtetën, sepse çdo ndeshje ka historinë e vet dhe dinamika të ndryshme.
Gjinollarin tentoi ta fusë edhe Shkëmbi, por skuadra nuk jepte siguri. Martini ka një sukses në krahasim me pjesën tjetër, e bëjnë rezultate. Futbolli në Shqipëri, është pak i thjeshtë. Po bëhet më shumë dyluftim, pozicion dhe pragmatizëm, pra kush fiton më shumë dyluftime, pozicione dhe bëhet pragmatist. Më shumë po luhet me kundërsulm dhe kush është më i zoti që nuk merr gol, ai po fiton ndeshjet, sepse po shfrytëzon hapësirat para. Me janarin dhe Martinin, Kallaku erdhi, po rritet forma e Jazxhi, Gjinollari është bërë lojtar stabël.
Teuta nën drejtimin e Martinit, është shumë plus me Tiranën, por kjo nuk tregon të vërtetën. Çdo ndeshje ka historinë e vet dhe dinamika të ndryshme. Kemi parë edhe Tireanën kur ka dalë kampion, që mund ta ketë mundur Teutën dhe anasjelltas.
E vërteta më rezulton ndryshe në futbollin shqiptar. Më rezulton që sportivisht dhe financiarisht janë klube të brishta dhe shesin lojtarë në çdo moment. Kjo kthehet në hall gjatë kampionatit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
