Dritan Stoka, opinionist sportiv, i ftuar në emisionin “Sport Zone” në MCN TV, u shpreh se Partizani e meritoi titullin kampion.
I pyetur për polemikat nga Tirana, Stoka shtroi pyetjen pse bardheblutë nuk ankoheshin deri para dy javësh, kur përmendi edhe rastet që janë ndihmuar nga arbitrat.
Partizani e fitoi kampionatin me ndeshje direkte. Gabimet që ka bërë Partizani, nuk i ka bërë Tirana. Nëse nuk do ishin gabimet e muajit janar, Partizani do ishte 10 pikë para. Kanë bërë mirë që nuk u ankuan te Partizani.
Tirana nuk u ankua kurrë deri para dy javësh, pse ankohet tani?! Harroi Tirana që ka bërë dy gola me Kastriotin në minutën e 100-të, ndonëse ishin dhënë 6 minuta shtesë.
Egnatias ndaj Tiranës nuk ia dha penalltinë në minutën e 92-të. Pse nuk folën këta pseudotifozët?! Unë them që Partizani e ka merituar titullin, falë presidentit, stafit dhe drejtuesve. Kolela ka futur një shpirt të ri gare. Ekipet e tjera nuk i kanë si Partizani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
