La Liga, zbuloi këtë të enjte, kalendarin e sezonit të ri, ku nuk mungojnë përballjet interesante që në javën e parë. Sulmuesi shqiptar, Myrto Uzuni, i cili është pjesë e Granadës, do e nisë me një duel të fortë që në javën e parë, siç është përballja ndaj Atletico Madrid, ndërsa Rayo Vallecano ku luan Balliu, sfidon Almerian në transfertë. Kampionët e Barcelonës do të luajnë ndeshjen e parë në transfertë përballë Getafes, ndërsa Reali gjithashtu luan në transfertë, kundër Athletic Bilbaos. “El Clasico” e parë e sezonit, do të luhet më 29 tetor, ku Barcelona do të presë Real Madrid në “Camp Nou”, ndërsa sfida e kthimit do të luhet më 21 prill të 2024. La Liga e këtij sezoni do të startojë në 12 gusht me ndeshjen e fundit që do të luhet në 26 maj 2024.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
