Pas sukseseve me River Plate në derën e sulmuesit Rafael Santos Borre ka trokitur Manchester United . Kolumbiani prej disa sezonesh rradhazi mban një peshë specifike të sulmit të argjentinasve me të cilët ka arritur edhe titullin kampion. Kjo histori filloi ti garantojë një të ardhme të ndritur në karrierë dhe ofertat e para në adresë të 25 vjecarit ishin ato të Gremios dhe Palmeiras por pa sukses sepse nuk pranoi largimin nga ‘’ El Monumental ‘’ . Por historia për të sapo ka filluar sepse interesit të ‘’ Djajëve të Kuq ‘’ i është bashkuar edhe Lazio, Celta Vigo, Valencia , Brighton dhe Manchester City duke e ngritur në piedestal figurën e tij . Alternativa të tilla konceptohen si shumë interesante sepse flitet për kandidatë të pozicioneve të ndryshme sportive dhe ekonomike dhe interesi i Ole Gunnar Solskjaer për lojtarin e lindur në Barranquilla nuk ka nevojë për koment .
Norvegjezi e kërkon Rafael Santos Borren për të plotësuar tridentin e pandalshëm me Rashford dhe Bruno Fernandez dhe pse jo rikthimin e të magjishmit Cristiano Ronaldo në ‘’ Old Trafford ‘’. Meqënëse kontrata me ‘’ Los Millonarios ‘’ do ta ketë xhiron finale në qershor , një alternativë e tillë i jep shansin sulmuesit të kombetarës ‘’ Trikolor ‘’ jo vetëm për të ngjitur shkallët drejt suksesit por për ta bërë me një skuadër që i garanton fitimin e trofeve . Sipas ‘’ Tnt Sports ‘’ ky operacion mund të konkretizohet me parametër zero dhe momentalisht po analizohet njëkohësisht me situatën e Edinson Cavanit për të cilin akoma nuk është marrë një vendim nga drejtuesit anglezë në lidhje me interesin e Boca Juniors .
Sipas ‘’ Tnt Sports ‘’ një kalim në Manchester do ti krijonte mundësinë ishit të Villarealit të bëhej pjesë e organikës se tyre dhe do të gjente mbështetjen e shumë komponentëve cilësore . Një aventurë në ‘’ Pallatin e Endërrave ‘’ do të ishte nisja e një etape të re në Europë pas asaj me Atletico Madridin dhe Villarealin . Teorikisht kjo lëvizje parashikohet se do të marrë ‘’ Ok ‘’ nga nxënësi i Marcelo Gallardos pa anashkaluar faktin se River Plate do të mundohet të përfitojë maksimalisht nga ky interes sepse oferta e Manchester United me siguri do të jetë tentuese për presidentin Rodolfo D’Onofrio . Rafael Santos Borre nuk ka të ndalur në përshkrimin e rrugës së tij në kampionatin argjentinas në të cilin ka shënuar 8 gola në 14 ndeshje .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
