Vllaznia në futbollin e femrave, vazhdon dominimin në kampionatin shqiptar. Vajzat shkodrane, fituan titullin për vitin e nëntë radhazi, duke treguar edhe njëherë se nuk kanë rivalë në Shqipëri.
Me triumfin 12-0 ndaj Kinostudios, Vllaznia ia doli të shpallet zyrtarisht kampione për sezonin 2021-2022.
Ndonëse janë edhe dy javë për t’u luajtur, diferenca me Apoloninë e vendit të dytë është 8 pikë dhe titulli matematikisht i kalon shkodraneve.
Pas fitimit të titullit në Shqipëri, Vllaznia do të kërkojë të arrijë sukses edhe në Europë, në ndeshjet që do të luhen gjatë verës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
