Me Isco Alarcon , Martin Odegaard dhe Dani Ceballos drejt largimit Real Madridi është duke i llogaritur mirë hapat për të transferuar në ‘’ Santiago Bernabeu ‘’ lojtarët e përshtatshëm për skemat e Carlo Ancelottit. Me largimin e komponentëve të sipërmpermendur Real Madridit do ti duheshin ndërhyrjet e menjëhershme për të mos humbur kohë dhe të përforcohen ashtu siç duhet në vigjilie të sezonit të ri .
Pas largimeve të Achraf Hakimit , Romelu Lukakut dhe me shumë mundësi të Lautaro Martinezit nga ‘’ Giusseppe Meazza ‘’ , drejtuesit e italianëve i kanë dhënë dritën jeshile edhe mesfushorit Nicolo Barrela që tashmë pretendohet nga kryeqytetasit .
‘’ Galaktikët ‘’ do të përfitojnë rreth 65 milionë euro me shitjen e Martin Odegaard tek Arsenali dhe këtë shifër duan ta vënë në dispozicion për të afruar 24 vjeçarin në gjirin e tyre.
Italiani ishte një ndër lojtarët më përcaktues në skemat e Antonio Contes në një sezon ku Interi u kurorëzua me fitimin e 19-të të Scudettos pas 11 vitesh. Problemet ekonomike e kanë dërguar në këtë situatë Interin që rrezikon të humbasë pikat referuese të tij .
46 ndeshje , 3 gola dhe 10 asiste të shoqëruara me fitimin e Europianit me ‘’ Azurrët ‘’ ia kanë ngritur vlerat Nicolo Barrelas i cili pretendohet nga një ndër klubet më të famshëm të planetit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
