Paraqitjet e Mauro Icardit nuk e kanë kënaqur Mauricio Pochettinon dhe në Paris po mendohet largimi i argjentinasit . Ish kampionët e Francës nuk duan të gabojnë me qëndrimin e mëtejshëm të 28 vjeçarit në ‘’ Parque De Prince ‘’ dhe kanë deklaruar se duan ta largojnë për 35 milionë euro. Kuq e blutë po mendojnë një mënyrë efikase për rimëkëmbjen e financave dhe e konsiderojnë të udhës largimin e Mauro Icardit . Kjo lëvizje shikohet si shumë inteligjente sepse do ti ndihmojë për të siguruar qëndrimin e Neymar Junior dhe Kylian Mbappe .
Francezi është përfolur shumë për ndërrimin e ambjentit dhe nëse do të jetë kështu do ta detyrojnë kampionin në fuqi të Ligue 1 për të afruar yje të tjerë . Ndër alternativat që kanë marrë forcë gjatë këtyre javëve janë ato të Lionel Messit dhe Cristiano Ronaldos . Uria për sukses e Nasser Al Khelaifit nuk njeh limite dhe për këtë arsye ka preferuar këtë rrugë sepse argjentinasi dhe portugezi janë profile që mund t’i ndihmojnë kryeqytetasit për të fituar Champions Leagues për shkak të eksperiencave të mëparshme .
Nëse kthehemi paksa tek Mauro Icardi duhet theksuar se e ka shpërdoruar absolutisht besimin e Thomas Tuchel dhe sipas L’Equipe largimi i tij do ta ndihmonte sadopak ekonominë e Parisit për tu rigjeneruar .
Rendimenti i vakët është kanalizuar në 25 ndeshje , 12 gola dhe 6 asiste dhe i ka përshpejtuar aksionet e liderve të Parisit për ti treguar daljen sepse nuk kanë ndërmend të presin gjatë për arritjen e objektivit madhor të tyre .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
